អគ្គិសនីដែលរាជរដ្ឋាភិបាលកម្ពុជា បានទិញមកពីប្រទេស​វៀត​ណាម​​ចំនួន​២០០​មេហ្គាវ៉ាត់ បច្ចុប្បន្ន​​ក្រុម​ការងារ​​រៀប​ចំ​បណ្តាញ ពី​ប្រទេស​វៀត​ណាម ​បាន​តភ្ជាប់​រួច​រាល់ និង​បាន​មក​ដល់​ទី​ក្រុង​ភ្នំពេញ​ហើយ ​ដោយ​រង់​ចាំ​តែ​ពិធី​សម្ពោធ​ដាក់​បើក​ឲ្យ​ប្រើ​ប្រាស់​តែ​ប៉ុណ្ណោះ។

ម៉ាឡេស៊ីបានឃាត់ខ្លួនអ្នកនេសាទវៀតណាមចំនួន ៤២នាក់ ចំពោះអ្វីដែល គេចោទថា ជាការបំពានធ្វើនេសាទកម្ម នៅក្នុងដែនទឹករបស់ម៉ាឡេស៊ី។ ម៉ាឡេស៊ីក៏ចាប់ទុកកាណូត២គ្រឿង និងមច្ឆជាតិដែលអ្នកនេសាទវៀតណាម នេសាទបាននោះផងដែរ។

ប្រទេសរុស្ស៊ី នឹងសាងសង់នាវាមុជទឹក៦គ្រឿងឲ្យកងទ័ពជើងទឹកវៀតណាម។

យោធាប៉ាគីស្ថាននិយាយថា កងទ័ពរបស់ខ្លួនបានសម្លាប់កងបះបោរចំនួន២០ នាក់នៅក្នុងកិច្ចប្រតិបត្តិការលើដីនិងតាមអាកាស នៅតំបន់ពាយព្យនៃប្រទេស។

សហភាពអឺរ៉ុប បានបន្ថែមពេលការដាក់ទណ្ឌកម្មទៅលើរបបយោធាភូមា និងអ្នកគាំទ្ររបបនេះសម្រាប់រយៈពេល១ឆ្នាំទៀត ដោយសារបញ្ហាសិទ្ធិ មនុស្សនិងរបបលទ្ធិប្រជាធិបតេយ្យ។

លោកស្រី Nicola Roxon រដ្ឋមន្រ្តីនៃក្រសួងសុខាភិបាលអូស្ត្រាលីមាន ប្រសាសន៍ថា សេចក្តីសម្រេចចិត្តរបស់ អង្គការសុខភាពពិភពលោក ក្នុងការបង្កើនកម្រិតអំពីភាពគ្រោះថ្នាក់ដោយសារជំងឺគ្រុនផ្តាសាយជ្រូក មិនប៉ះពាល់ទៅលើការប្រុងប្រយ័ត្នអំពីជំងឺគ្រុនផ្តាសាយជ្រូក ដែល រដ្ឋាភិបាលអូស្រ្តាលីកំពុងតែអនុវត្តនោះទេ។

ឧស្សាហកម្មទេសចរណ៍នៅប្រទេសអូស្រ្តាលីនិយាយថា ប្រទេសអូស្រ្តាលី អាចបាត់បង់ការងារក្នុងវិស័យទេសចរណ៍ រហូតដល់ទៅ ២ម៉ឺន៩ពាន់ការងារ បើសិនជាចំនួនភ្ញៀវទេសចរ មិនកើនឡើងនៅក្នុងពេលដ៏ឆាប់នេះទេនោះ។

កូរ៉េខាងត្បូងបានបញ្ជាក់ឲ្យដឹងនូវករណីឆ្លងជំងឺគ្រុនផ្តាសាយជ្រូកទីមួយ នៅក្នុងប្រទេស

អង្គការសុខភាពពិភពលោក បានទទូចសុំឲ្យប្រទេសទាំងឡាយនៅជុំវិញ ពិភពលោក ពង្រឹងការត្រៀមរៀបចំទប់ទល់នឹងជំងឺគ្រុនផ្តាសាយជ្រូក ប៉ុន្តែ និយាយថា ការបិទព្រំប្រទល់ និងការរឹតបន្តឹងលើការធ្វើដំណើរ មិនមែនជាចំណុចប្រពៃនោះឡើយសម្រាប់ដំណាក់កាលនេះ។

អាជ្ញាធរសុខាភិបាលកម្ពុជានិយាយថា ខ្លួនកំពុងតែយកចិត្តទុកដាក់យ៉ាងខ្លាំង ដោយសារមានការភ័យព្រួយនឹងការឆ្លងរាលដាលនៃជំងឺគ្រុនផ្តាសាយជ្រូក។ ក៏ប៉ុន្តែអាជ្ញាធរបាននិយាយថា ប្រទេសកម្ពុជាឋិតនៅក្នុងស្ថានការណ៍មួយល្អ ក្នុងការទប់ទល់ដោះស្រាយនឹងការកើតមានឡើងនៃជំងឺគ្រុនផ្តាសាយជ្រូកនេះ